الرئيسية / كلمات الشيلات / كلمات حلم السنين – فلاح المسردي

كلمات حلم السنين – فلاح المسردي

كلمات شيلة حلم السنين

إلى متى والظروف تعيق حلم السنين
إلى متى والعيون تذوق مر السهر

الحب مُتعب وهذي كلمة العاشقين
والشوق يحتاج بالدنيا عزوم وصبر

يالمترفه كل شي فيك فارق وزين
جيتك مثل المطر والوجه مثل القمر

اليا حضرتي جذبتي نظرت الحاضرين
وياكثر من يحسدون الزين لا من حضر

عن مسكنك في حياتي لا تقولين وين
يافتنة الارض قلبي لك مكان و مقر

والله محد يشبهك من بين هالعالمين
سبحان من أبدع برسمك مابين البشر

كن العيون اتكلّم كل ما ترمشين
والظاهر ان الكلام اللي تقوله درر

ومبسمك لؤلؤ وشعرك الليل والوجنتين
اكبر من الوصف والتشبيه بالمختصر

يكفي جمالك عن الشعّر الجزيل السمين
ياأم الوصوف الكبيره يا اكبر من الشعر

ذبلت ورود الصبر متى على الله تجين
تعبت وانا انتظر ماعاد ابي انتظر

الضيقه بصدر عاشقك اسكنت فيه لين
صار انتظاره على ماقيل مثل الجمر

نبغى المواصل عجل مع انّ عندي يقين
بنلتقي واللقا بيكون فرحة عمر

إلى متى والظروف تعيق حلم السنين
إلى متى والعيون تذوق مر السهر

الحب مُتعب وهذي كلمة العاشقين
والشوق يحتاج بالدنيا عزوم وصبر

 

شيلة حلم السنين الكلمات