الرئيسية / كلمات الشيلات / كلمات شيلة يوم أنك تسأل – بندر بن عوير

كلمات شيلة يوم أنك تسأل – بندر بن عوير

كلمات شيلة يوم أنك تسأل أداء: بندر بن عوير

كلمات شيلة يوم أنك تسأل - بندر بن عوير

الكلمات

يهل الوبل وادموع الحزين اللي بلاه الهم
ماتشبه كود ماطرها الشديد بليل توديعه

وليفٍ جعلني فدوة غلاه وفتنة المبسم
وعودٍ منه عوق اهل الهوى واكبر مواقيعه

عرفت ان الهوى بلوى على العاشق ولايرحم
صويبٍ ضده الحظ اللئيم وشاف ما يريعه

ياكم من مرةٍ قد ذاق مره غير ما استسلم
يزيده صبر غير الصبر ما حصل منافيعه

والى منه بغى يروى الى منه ورد للجم
شفوقٍ للوصل يحداه وقتٍ غصبٍ يطيعه

جعل يسقى علينا يوم عاد ارواحنا بلسم
زمان اول لقانا قبل تصدمنا مواجيعه

تحت ظل اشجرتنا اللي بها اول ملتقانا ثم
يداعبنا هوى الغربي ويطرقنا ذعاذيعه

مكان ينفس الصدر المشقى من هموم وغم
يسج المشتحن لاجاه عن كثرة مداميعه

يوم انك تسأل انت تحبني جدا وبي مهتم
ماكنك تدري ان حبك على قلبي مرابيعه

وودعتك وذا دربٍ لابده واسلم وتسلم
على حب الشرف واللي نقاه اكبر مطاميعه

 

قيم هذا المقال